مشاكل وبعض الردود من وجهة نظر الكاتب

 السؤال :- بما اننا كلنا شباب ... ومفيش بنات هنا زي بقية الجروبات قلت اكتب هنا براحتي .....
عندي موضوع مهم جدا جدا جدا .....
انا خاطب جديد ...
خطيبتي بنت حلال وطيبه ومتدينه واهلها طيبين
بس الصراحه الصراحه ... شكلها بس مش عاجبني ..
يعني بحاول اقنع نفسي بيها ...
ومش مالية عيني بالبلدي .... 
مشكلتي بس هي الموضوع ده ...
بس خايف اخد خطوه الفككان واندم عليها 
خصوصا انها طيبه ومتعلقه بيا ومتدينه وطيبه ....
للنقاش 
حد كان في الموقف ده قبل كده ..... 
زمايلي المجوزين
بيقولولي بعد الجواز الشكل ولا حيفرق
انا محتار جامد ومهموم .... 😫😫
عاوز كلام بسيط مش فلسفي
من واقع الحياه

الرد :-هو انت من الشباب اللي بيضحك علية بالمكياج ؟؟؟ 
اذا لم تكن دميمه بمعني الكلمة فانت مخطئ اما الدميمة فلا وكلا
واذا قبلت النظر الي وجهها في الصباح فيكفيك من الحسن هذا فما زاد عن ذلك شاركك فيه الناس وزاد عليك همك وشكك وغمك وغيرتك

.....................................................................................................................................................................

السؤال :-أرجوكم ابوس أيديكم فيدوني أنا متزوجه من 3سنين وحامل بقالي خمس شهور وزوجتي بيحبني وأنا بحبه جداااااا لكن من يومين اكتشفت أنه بيخوني المشكله أنه جابها البيت هو وصاحبه وأنا لما اكتشفت ده طلبت الطلاق وكمان شفتها بعيني لأننا عايشين في بيتنا فاضي بدون سكان وهو جابها في الدور الأرضي وأنا في الثالث فكر إني نايمه يعني جوا بيتي مع العلم أنه كان يوميها معايا في حضني وأنا قتل لأهله وهما حزنانين جدااااا لأنهم ناس بتخاف ربنا قولو لي اعمل ايه بيترجوني إني ما أطلبش الطلاق ونعاقبه لكن مش قادره أنا لازم اتطلق ياريت متحطوش اسمي

مع العلم أن والدتي متوفيه ولم أخبر أحدا من أخواتي بما حدث 

الرد :-الزنا ليس سبب من اسباب طلب الطلاق 

الطلاق علاج استحالة العشرة 
انتِ عاوزه ايه 
انت كلامك معناه انك لو لم تعلمي لاستمريتي معه اذن الحياة بينكما مستقرة 
راجعي نفسك وشوفي الاسباب التي جعلته ينظر للخارج 
ربما تستطيعين ان ترديه عن ذنبه وتأخذي اجره 
وثوابة 
واذا اتضح لك انه نجس الذيل مصر علي ان يبقي كذلك فلك الطلاق

.........................................................................................................................................................

السؤال :-اتجوزت من 17سنه ولدى 3اولاد جواز عادى اعتبره ابى واخى وحبيبى قبل زوجى عشت معه على المرة قبل الحلوة بمايرضى الله ورسوله اسسنا بيتنا من لاشئ والحمدلله الآن منزل خاص وعربيه وحياة ميسورة الحال كنت مثال للزوجه المخلصه الجدعه ايلى واقفة فى ضهره عمرى ماحسسته بأى مشكله فى البيت تغيير اثاث اوكسوة الولاد صيفى شتوى عيد مدارس دروس مذاكرة ليهم 

كل مشكلتي أن جوزى مدمن نت عندو استعداد يقعد يومين متواصل على النت اتكلمت معاه كتير لكن مفيش فايدة وكنت لم اجى اشتكى يقولولى مدام بينام فى سريرك آخر الليل متخافيش كنت اسكت واعدى بجانب انى كنت أعانى من الإهمال والتجاهل كنت اصلى وادعى وأقول يارب اشغله بأمور دينه عن دنياه وابعد عنه كل حرام وابعد عنه شياطين الإنس كنت بدعيله اكتر مابدعى لنفسى وولادى 
ناس كتير هتقول وايه الغريب فى قعاده على النت الغريب انه ممكن يدخل مواقع إباحية ودردشة وطبعا فيس وياهو وواتس كووول مواقع التواصل فى الاول كنت بتحمل لكن مكنش بقدر انا بشر ومن حقى اغير ناس هتقولى العيب فيكى أو منك شوفى هو بيحب ايه واعمليهوله (مفيش فايدة )جربت كل حاجه النت عنده وكلامه مع الحريم ادماااااان لو اعترضت أو احتجيت الاقى انسان تانى معرفهوش ممكن سب وضرب *****من 8سنين عرف واحدة من دوله تانيه فضلت تكلمه وتضحك عليه وتقلبه عليه لحد ماهو اكتشف انها بتضحك عليه انا أعانى من أذى نفسى ونحن الآن فى مشاكل جامدة بقلنا سنه وهو هاجرنى خالص ولم يتكلم مع الولاد يقولهم كلام وحش عليه زى انا أجبرت على امكم انا خدتها عشان موظفه وكلام عبيط كدا داغير انى لم اجبله حد يحكم بينا يقول كلام ممكن يدنى زى صوتها عالى عنيدة وانا والله أقسم بالله زى أى أم فى البيت مع ولادها ممكن تزعق 
انا حياتى بتنهار خصوصا آخر مرة قالى انا مش هتغير عشانك أقوله عشان خاطر ربنا اتغير مش عشانى يقولى حياتى كدا اعتبرينى مريض ياتعيشى معايا ع الوضع دا ياعندك المحاكم انا تعبت ويئست انا دلوقتى وصلت لدرجة انى بكرهه ومبقتش طايقه العيشه معاه اخواتى وزميلاتى يقولولى عيشى معاه على كدا وربى ولادك لأنهم محتاجين ابوهم طيب وانا فين انا ------انا بالنسباله دخل معيشى فى البيت وبس وخدامه ليه ولولادى بس انا مش قادرة كلمته بالدين مفيش فايدة قعدتله ناس مفيش فايدة انا بسال ابنى ايلى فى الثانويه بقولو لو بابا سبنا هيفرق معاكو ومش هتيجو تقولولى لم تكبرو انك سيبتى بابا تخيلو الولد يرد يقولى المهم نخلص ياماما عشان عاوز اذاكر انا داخل على ثانويه وعاوز جو هادى انا بقالى 13سنه مجرينى وراه فى حرب نفسيه كلم مين بيعمل ايه داغير السهر ليله نهار ونهاره ليل حاخد بالى منه ولا من ولادى ولا من شغلى خصوصا أن ولادى فى مرحله المفروض أننا نكون مع بعض عشان نقدر نحميهم ونحافظ عليهم
طولت عليكم انا بس عاوزاكم تفيدونى أطلق منه واربى ولادى فى جو هادى ولا اى؟؟؟؟؟؟؟؟

الرد:-

اعتذر عن ردي مسبقًا بس في إصلاح البيوت نطرق كل باب متاح ردي ممكن يكون خارج الصندوق وخارج المقبول سأحاول ان استخدم عبارات غير خادشه للحياء واتمني من صاحبة الشكوي ان تفهم ما بين السطور .................... مش هاقول لك مبدأ الفنلة الداخليه وشنطة السيدة ان الواحد مش بيحس بيهم وهما ملاصقين له وانما بيحس بيهم لو حد حاول يسرق الشنطه فيزيد التمسك بها ......... مش هاقول داويه بالتي كانت هي الداء وانك توهميه انك انخرطتي في النت ..... وشبهاته .... لو جوزك فعلا مدمن اباحيات بس غير لو مدمن نت للنت زي اللي بيدخن علشان اتعود بالسيجارة علي فمه مش لانه عاوز يدخن يعني عاده وعليه لازم نعرف هو ايه من دول 1- مشغول بعلاقه عاطفيه مستحيله 2- مدمن اباحيات 3- مدمن نت وتواصل اجتماعي الحاله الاولي بيني وبينك الله يكون في عونه لان الخروج من الحاله دي صعب شويه وخاصه اذا كان فعلا بيحب بجد وجلوسه علي النت نوع من العزله وتعايش في ملكوت ثاني عايشه بمفرده يعني النت امامه كتاب مفتوح الناس شايفاه بيقرأه لكن هو فاتح مجله مصوره هذا كمثل .......هاخلي الحلول في الاخر الحالة الثانيه انه يعيش فراغ متعه ويحس انه منتقص اللذه في العلاقه الحميميه وذلك ربما لسوء فهم بسبب معايير مغلوطة انتقلت من الزملاء او من خلال المواقع الاباحيه ........... الحالة الثالثه انه هو اجتماعي وله نشاطات مجتمعيه او ربما صاحب مدونات او صاحب قضيه ويحب ان يكون ملم دائم بالاخبار ............ وهذه الفرضيه هي اخر همك وانت اللي لازم تتعودي عليها لكن مع اخذ الحذر .... بان تراعي الحلول للحالتين السابقتين وممكن يكون صاحب سر كبير زي الحاله الاولي بس مش حب حالة مرضية مشكله اهليه دين مشاكل جسيمة في العمل وقد فرض علي نفسه ذات العزله للحالة الاولي مع اختلاف السبب وعلي كل حال افترض ان توددك الدائم لزوجك وملاصقتك الجسديه له اثناء الاوقات المميزه مناخيًا بدون استراق النظر لما يتابعه علي النت فقط اذا كان جالس علي السرير رأسك عليه واذا كان علي الكنبه رأسك علي فخذه ولو في اي مكان تحسسي الجلسه التي تلاصقه دون ان تخدش ما يتابعه وحتي اذا رأيت ما يستثير حفيظتك غضي الطرف عنه لانك في مرحلة علاج هذا اولا ثانيا ليست العلاقة الحميمة طلبها حكر علي الزوج لابد من ان يكون لك المبادئه و حاولي استرجاع الشباب والشقاوه وتجنب ان تكوني العنصر الهامد في العلاقه واخيرا قد تنكر النفس افعال مباحه لانها تأنفها او تعفها وهنا لابد ان نعيد صياغة الكلمات كل حرام منصوص عليه ومعروف وليس عليه خلاف في اوقات معينه يعلمه الرجال والنساء وكذلك في موضع واحد وعلي ذلك كل ما هو خلاف ذلك مباح وكل مباح حلال حتي لو اندرج في قائمة المكروهات حتي المكروهات تنقسم الي مكروهات كرهه تنزيهيه وكرهه تحريميه اما ما هو مباح وقد نمتنع عنه لأنفته..... احيانا يكون اسلوب من اساليب العلاج طوري علاقتك بزوجك اخلعي عنك حيائك امامه كما خلعت عنك ثيابك لابد ان تكون الزوجه في حياة الرجل كل شئ حتي العشيقه وغير ذلك لا اجد اسباب ............................................................................................................................................. السؤال :- إيه أسباب زيادة نسبة الطلاق ؟ الرد:- البعد عن الفطرة السليمه وعدم تعلم اساسيات الزواج و البعد عن القرأن والسنه ........................................................................................................................................................... السؤال :-انا متجوزة من اربع سنين وعندى ولد وبنت بس جوزى ديما فى مشاكل بينا بسبب العلاقة الزوجية عايز يحصل العلاقة دى كل شوية وكل يوم لدرجة انا بقيت احس انه متجوز عشان كدة ولو انا قولتله لا او تعبانة بيحصل مشاكل وبيقعد يتلككلى على اى حاجة فى البيت او ممكن يرخم عليا ويقعد يشتمنى كل شوية عشان يخرجنى عن شعورى وابتدى ارد عليه من خنقتى ويحصل المشكلة اعمل معاه ايه ومعلومة ديما اسراره كلها مع امه لدرجة انى بحس ان هى اللى ممشية البيت عشان كدة بحس انه متجوز عشان العلاقة وبس وهو طبيعى ان العلاقة دى تحصل كل يوم وكل شوية الرد:-  بصي ومن غير كثر كلام اذا كانت العلاقه فوق قدرتك واحتمالك خلي جوزك يتجوز تاني لان الطبيعي ده نسبي وكل راجل بيختلف عن التاني وعدم حصول الرجل علي العلاقه قد يؤدي الي مشاكل فوق الوصف بخلاف الخلافات  اما ظنك في ان كل اسراره عن امه دي حالة نفسيه عاديه بين الزوجات وحمواتهم  بس اكرر اذا كان بيطلب كثير وكل مره بيكمل العلاقه فده معناه انه قادر وهذا معدله الطبيعي بخلاف بعض الناس معدله مره بالاسبوع او مرتين بالاسبوع او يوم بعد يوم واحيانا كل يوم الا ان ائمة الفقه اعتبروا ان الحد الاقصي للزوجه مرتان بالاسبوع حتي يعدل بين جميع زوجاته علي اعتبار انه قد يعدد في الزوجات واما اذا كان يطلب كثيرا ولا يستطيع اتمام العلاقه فقد يكون مصاب بالشبق اي الرغبه المستمره ودي احيانا بتكون لعوامل نفسيه واحيانا جسديه وفي اطباء لعلاج الشبق ( الرغبه الزائده ) .. تعليق :-بصي ده حقه الشرعي ولو معرفتيش تعفي جوزك يبقي متندبيش علي حظك بقي لما يتجوز عليكي او يعمل علاقات مع ناس تانيه وانتي اللي هتتحاسبي الرد علي التعليق :-

علي ردك ان هذا حقه الشرعي لكن لايجوز الزام الزوجه لما لا تطيقه ودرء المفاسد مقدم علي جلب المنفعه وكما ذكرت في تعليقي ان هذه الامور نسبيه لكل الطرفين بعضهم يعطي كثير والمستقبل يستطيع الصمود واحيانا لا يستطيع الاستقبال فوق قدرته وعلي العكس ان يكون المعطي شحيح والمستقبل يقبل او اقل مما يستطيع ان يصبر عليه وان تستمر معه العشره فتأتي جملة " اخاف الا اقيم حدود الله " الجمله التي تفيد في طياتها انها ستمتنع عن اعطاؤه حقوقه حتي يفهم القاضي انها تشتكي عدم حصولها علي حقوقها بس خروجا من لفظ يعمل علاقه مع ناس تانيه كان اولي ان تذكري ان يتزوج بدون علم علي ان المفترض تقديم حسن النيه والاصح ان تنصحه هي بالتعدد  ............................................................................................................................................................ السؤال :-في مشكله مع زوجتي من ثلاث شهور و هي عند ابوها و معاها ...بنتي و ممنوع اشوف بنتي  و المشكله كبرت اوي لدرجه وصلت لمحاكم  حبت اعمل قعده رجاله عشان ارجعها او مخليش بنتي و امها يدخلو محكمه و كانت نهايه الكلام عشان زوجتي تراجع الشروط كالاتي :- 1- شقه خارج منزل العيله و مع ذلك هي قعده لواحده في شقتها  2 - عمل قايمه جديده باسعار جديده و مع ذلك سالت المحامي قالي القايمه تراجع من المحكمه عادي 3- و ده الاهم امضي علي وصل علي بياض عشان انا ضربتها عشان كانت بتردي عليا كتير وحش الرد :- يعني انت بتضرب اولا انت لابس الغلط كامل  بس هي ليس لها من طلاباتها الا الطلب الاول طلب مباح شرعا  لان من حق الزوجه شقه زوجيه منفصله و لا مانع في ان تختار عدم جوار الاهل سواء اهل الزوج او اهلها :)  بس باقي الطلابات انا شايفها تنم عن نيه غير حسنه او ان فعلك السابق كان ده رد فعله الطبيعي وانت تستاهل  الله اعلم ......................................................................................................................................................... السؤال :-انا متجوز من سنتين ونص وعندي بنت، جوازنا كان عن حب وكان علي غير رغبة اهلها فيا،مش عشان انا وحش ولكن لسببين لاني مش عن طريقهم ولا نهم بيحبوا المظاهر، الام هي اللي ممشيه الدنيا الراجل زي قلته، وكذلك البنت خدت علي كده، فظهر الصوت العالي والعند والمكابرة والندية في المعاملة، وكل حاجة عايزه تبقى راسها براسي، ومن هنا ابتدت مشاكلنا الكتيررررة،ومع كل مشكلة مش بلاقي انصاف من اهلها كل اللوم يبقي عليا انا لو غلطت فيا يبقي انا اللي وصلتها لكده، لو علت صوتها يبقي مني وهكذا وده خلي قوي البنت عليا وزادت المشاكل لانها حابه تعيش دور امها مع ابوها معايا وده مستحيل لاني متربتش علي اني ابقي دلدول،اخر مشكلة غلطت فيا غلط كبير وجبت اهلها ولا حد نصفني ولا اي حاجه قلتلهم خدوها تقعد عندكوا، لحد لما تعرفوها تعامل جوزها ازااي، قعدت فترة كبيرة حوالي 3شهور، ومكنتش بكلمها اصلا اتصل اسال عالبنت من خلال اختها وخلصنا عدي عيد ميلادها ولا عبرتها، جه العيد اهلي قالوا لازم تجبهم رحنا لسه بنتكلم مع اهلها عملتوا ايه وهل اتغيرت ولا لاء رد اخوها ولا عملت ولا هعمل وهي هتفضل زي ما هي وانت قلبك حجر، عشان متصلتش بيها، وعشان منساش فاول يومين راحت عند اهلها صارف حوالي 1400 علي علاج بنتي وحجات تانية، المهم من كام يوم اتوسط حد من طرفها يحل الامور، فانا لقيته راجل كويس فكبرته، وقلته انا خايف الناس دي تصغرك قال انا جاي بعلمهم، وفعلا توصلنا انا وزوجتي لحل وتراضينا، فيما عاد نقطة انها تقعد من الشغل، ومع العلم ان الشغل مش سبب لاي مشكلة ولكن هو سبب لاهمالها وكمان البنت صغيرة والشغل ده متاح فاي وقت لانه مش بشهادة ولا حاجة ولا مناسب برضه ولا لقظه،المهم الراجل الوسيط لقيته بيتصل ويعتذر ويقولي انا شلت ايدي من الموضوع واخوها هو اللي هيرد عليك وكلامك معاه،والراجل كله اسف واسي من افعالهم وشهدته عليهم وقال انه مش راضي عن اللي بيحصل وقلتله فيوم من الايام ابقي قول لبنتي لما تكبر عرفها اني مش وحش زي ما هيفهموها،قالي هي اللي هتندم انا عايز اعرف اعمل ايه مع الناس دي اكمل المشوار معاهم ازاي وانا تقريبا شبه مقاطعهم كلهم عايز زي ما قلوا بالراجل وبيا عايز اقل بيهم ملحوظة امها من اول يوم مشيت اخدت كل دهبها وهو مكتوب فالقايمة، وكمان فيوم كانت هي وامها فالشقة اخدت مبلغ مالي من مكان ما وخاص بيا وبيها بس مقالتش لحد انها هتعمل كده وكان فغيابي الرد:-السلام عليكم معلش اذا كنت اخترت الخاص للكتابه رد علي مشكلتك بس لان بعض الكلام لا يجب ان يطلع عليه غيرك  وتجنبا للردود الجانبيه واللي ممكن انصحك بيه مش ينفع مع حد غيرك ، أولا انت قلت تزوجتوا عن حب !! اعتقد ان اللفظ الاصح اعجاب او لهفه لان الحب هو حب الالتزام مع والي الطرف الاخر اذا كان في قلب زوجتك اليه اي مشاعر صادقه لم تلوثها مشاغل الحياه فاليك نصيحتي اذا كانت لسه بتحبك ولم يتضح لها انك بخيل او لست الفحل الذي تتمناه او بليد وروتيني في المشاعر ولم تعد تبادلها الحب ذاته قبل الزواج فعليك ان تستثمر اي بذرة مشاعر وان ترويها بنفسك وفي الخفاء حتي تنموا شجرة الموده من جديد هاتفها في السر وتذكر معها ايام قبل الزواج او ايام ومداعبات اثناء الزواج (إن وجدت ) او في شهر العسل تخير مواعيد تكون متأكد من أنها بعيد عن اهلها ابعث قبل الي ابنتك من خلالها استمر في الالحاح عليها والزن علي الودان امر من السحر بس لازم تعقد النيه وتصححها انك تنوي ردها في سبيل الله ولاقامة بيت مسلم صحيح ومع المحايله ان شاء الله هتلين وتقبل ان تعود حتي تختبرك من جديد اذا بلغت هذه المرحله فقد انتصرت واي ما انتصار عندما تعود الي بيتك ابدء من جديد ولو شهر عسل جديد اجلس معها وصححوا النوايا ان الزواج اصبح في سبيل الله بما لا ينفي عنه جميع متع الحياه بعد ذلك حاول ان تشغل لها جميع وقتها وان تكون هي محور اهتمامك وان تحيطها بكل وقت واتس وماسينجر مكالمات ورسائل هذا بعد اجازه وشهر عسل بعيد عن الاهل لن اقول اعزلها عن اهلها وامنعها عن اهلها لكن اقول اعزل اهلها عنها بمعني اخر لا تمنعها عن اهلها بصريح العباره لكن امنعها بفعل تحبه هي اشغلها بخروج كثير غير مكلف ......تمشيه.....عشوة فول سندوتشات في الشارع......فرجه علي المحلات.....جناين...كما يجب عليك ان تعطيها اذنك حتي تتكلم مهما كنت لا تستطيع ان تسمع اعطها اذنك حتي تتكلم  وفوق كل ما سبق السرير هو سيد الموقف تعلم من القرأن والاحاديث ان تجعل بينك وبينها رسول او علي لفظ القرأن قدم لنفسك ..وهو المداعبه الكلمات الرقيقه باستمرا ر ...قد تحتاج الي غزل قبيح لاثارة مشاعرها تحسس ما يخرج عن فكرها ويستثيرها ككلمة سر في اذنها رغم انكما بمفردكم بالبيت ان تخرج الكلمات مع قليل من الانفاس علي اذنها ورقبتها تودد اليها اصدمها من وقت لاخر بشرط انها لا تحمل شىء ارسل اليها رسئل وانت تتحدث مع ابنتك كل هذا ما يعرف بالرسول والتقديم للنفس وبما يشمل التقبيل وجميع الامور قبل الجماع ولا تستحي ان تسألها بعد الجماع انها راضيه ؟؟؟ كثير من المشكلات التي تعرض سببها عدم اعطاء الزوجه كامل ما تطلب او تحتاج وهذا سبب اساسي في ارتفاع الاصوات بالبيوت واحيانا تبادل الادوار في البيت وذلك كبديل لاستمرار البيت علي رغم الضعف والوهن الذي به وعلي كل الاحوال اذا اردت الاستمرار مع زوجتك لابد ان تتجاوز عن بعض الامور احيانا يجب عليك ان تكون انت الاسفنجه امام الحجر تغافل عن عصبيتها اوقاتها الشهريه وقبلها بثلاث ايام لا تنفر منها خلال تلك الفترات لانها اصلا لا تطيق نفسها وتكون في اضعف حالتها النفسيه في هذه الفترات وتحتاج الي داعم خارجي لها بانها ليست منفره في تلك الفتره فعن حديث السيده عائشه ان الرسول كان يقرأ القرءان وهو يضع رأسه في حجرها او عليها كما ورد في الحديث فهذا الدعم كما ان في حديث اخر انه لا يمتنع عن المداعبه حتي في تلك الفترات الا انه لا يمارس علي ما اذكر ان لم اكن مخطئ يباشر ولا يجامع  واثناء الكتابه بحثت عن صحة الحديث وها هو "عن عائشة قالت كنت أغتسل أنا والنبي صلى الله عليه وسلم من إناء واحد كلانا جنب وكان يأمرني فأتزر فيباشرني وأنا حائض وكان يخرج رأسه إلي وهو معتكف فأغسله وأنا حائض "قوله : ( باب مباشرة الحائض ) المراد بالمباشرة هنا التقاء البشرتين ، لا الجماع .. اتمني ان اكون افدتك الكلام في هذه المسأله هلامي لا يمكن ان يحتويه حوار إلا انه اذا وصلتك الفكرة وفهمت الاسلوب ستجد انت طريقة التجويد التي تتمكن من خلالها ان تغلق عليك بيتك وان تطفي علي زوجتك طباعك وتقبل من بعض طباعها وان تخرجها من قوقعة اهلها وانا لن اتحدث عن اساليب النزاعات والانتصار لنفسك ............................................................................................................................................ السؤال :-لو سمحتى ارجو النشر ف اقرب وقت انا متجوزة وعندى ولدعندة 9 شهور عمرى انا21 وفى مشاكل بينى وبين جوزى ع كول شوفت معاة ايام صعب انساها كان بيتفرج ع حجات وحشة وكان بيطلعنى انا الغلطانة وع طول زعيق قدام الناس كان بيكسرنى واتكلمت كتير وبخيل ف عواطفة مش بيتكلم واما اقول بحبك يقولى تصبحى ع خير مع اننا متجوزين عن حب وبعت الدنيا كلها عشانة وهو كمان وقف قدام والدى عشانى وشفت بيعمل حاجات مع نفسة وانا ف البيت وكنت حامل واتكلما معاها بس الرد انتى حامل وغلط انى اقرب منك مع العلم انى كنت ف اواخر حملى بفكر ف الطلاق بس اروج الرد لانى مخنوقة أوى واسفة انى طولت الرد :- ممكن اقول انه مريض بالوهم  واستمراره علي العاده افقده لذة الجماع  ومحتاج علاج نفسي منزلي بينك وبينه  حتي يستطيع ان يقلع عن توهم عدم حصوله علي لذته اثناء الجماع وان هناك متعه هو محروم منها  بالصبر ومزيد من الثقافة والاصرار منك ستتخطون مشاكلكم  مع العلم اغلب المشاكل بعد الزواج عن حب ولوعة الحب العذري والشوق قبل الزواج تفتر بعد الزواج والانصدام بين شعلة المشاعر المكبوته والانفتاح اليسير واللذات التي لم تواكب الظنون والثقافات الفاسده سواء من الممارسات او متابعة الاخبار والاباحيات